Elm və Ali Təhsil üzrə Dövlət Agentliyinin və Elsevier şirkətinin birgə təşəbbüsü ilə oktyabrın 28-i və 30-da tədqiqatçılar, kitabxanaçılar və tələbələr üçün “Scopus və Scopus AI ilə tanışlıq” mövzusunda onlayn təlim təşkil ediləcək.
Məlumat üçün bildiririk ki, Hökumətlərarası Təqaüd Proqramları (HTP) çərçivəsində növbəti tədris ilində Çin Xalq Respublikasında (ÇXR) təhsil almaq üçün müraciət edən namizədlərdən tələb olunan əsas sənədlərdən biri namizədin prioritetlik nəzərə alınmaqla seçdiyi üç universitet üzrə əldə etməli olduğu ön qəbul sənədidir (pre-admission notice, proof of admission from tutor).
Azərbaycanın dünya miqyaslı kimyaçı alimi, akademik, pedaqoq, maarifçi və ictimai xadim Yusuf Məmmədəliyevin anadan olmasının 120 illiyi münasibətilə Azərbaycan Respublikası Prezidentinin Sərəncamına əsasən 3-4 dekabr 2025-ci il tarixlərində Bakı Konqres Mərkəzində “Akademik Yusuf Məmmədəliyev: Elm, İrs və İnnovasiyalar Konfransı” keçiriləcək.
Sentyabrın 12-də tədqiqatçılar üçün “Akademik təsir və nüfuz: strateji nəşrdən uğurun təqdimatına” mövzusunda vebinar təşkil olunacaq. Vebinarın məqsədi tədqiqatçıların elmi fəaliyyətinin beynəlxalq səviyyədə tanıdılması, data əsaslı qərarvermə bacarıqlarının inkişaf etdirilməsi və akademik təsirin gücləndirilməsi istiqamətində dəstək göstərməkdir.
Sentyabrın 5-də “Həmkar rəyi (Peer Review): ən yaxşı təcrübələr və tövsiyələr” mövzusunda vebinar təşkil olunacaq. Tədbirdə həmkar rəyinin tədqiqatın dürüstlüyünü və etibarlılığını təmin edən əsas mexanizmlərdən biri kimi rolu müzakirə ediləcək.
Təhsil müəssisəsini, ixtisasını və ya təhsilalma formasını dəyişmək istəyən tələbələr üçün elektron sənəd qəbuluna start verilir.
2025/2026-cı tədris ili üzrə ali və orta ixtisas təhsili müəssisələrində təhsil alan tələbələrin köçürülməsi prosesinin elektron sənəd qəbulu mərhələsi elan olunur.
2025–2026-cı tədris ili üçün Tacikistan dövləti Azərbaycan vətəndaşları üçün bakalavriat, magistratura və doktorantura pillələri üzrə təqaüd proqramı elan edib.
2025–2026-cı tədris ili üzrə Azərbaycan vətəndaşları üçün Qırğız Respublikasında bakalavriat səviyyəsində təqaüd proqramı elan edilib. Proqram Qırğız və ya rus dilində tədrisi nəzərdə tutur.
“Journal Citation Reports™️ 2025” buraxılışı ilə bağlı vebinar keçiriləcək
Ukraynanın bir sıra universitetlərinin nümayəndə heyətlərinin Azərbaycana səfəri çərçivəsində 15 iyun saat 12:00-dan 19:00-dək “Landmark Hotel Baku” mehmanxanasının "Rotunda" zalında təhsil sərgisi keçiriləcəkdir.
İyunun 3-də Elm və Ali Təhsil üzrə Dövlət Agentliyinin təşkilatçılığı ilə Bakı Dövlət Universitetində tanınmış beynəlxalq nəşriyyat şirkəti “Elsevier”in rəsmi nümayəndəsi Saide Sakın iştirakı ilə “Tədqiqat yolunda uğura doğru: Elsevier sizə necə dəstək olur?” mövzusunda xüsusi məlumat sessiyası keçiriləcək.
